Bibliografía

Venticinco escritores restolen nes sos alcordances primeres y apurren una mirada personal y lliteraria a aquella escuela del mandilón y la «seño», del fútbol y la comba, d'indios y vaqueros, de «mi mamá me ama», del mieu y el castigu, pero tamién de l'amistá y la camaradería. Cada rellatu avéranos a lo que bullía nes cabeces y nos corazones d'aquellos escolinos al dir pa escuela.

Dende'l pizarrín o'l tinteru a los bolis y los cachadores, dende'l lleche en polvu venío d'América a les porres de Kojak o los cromos de la selección, dende la Enciclopedia Álvarez a les fiches, dende'l «¡Presente!» y la verdiasca hasta los primeros rellumos de pedagoxíes más amables: la primer esperiencia escolar d'unes xeneraciones que vivieron un tiempu de dictadura y represión y, a lo último, un réxime que daba les boquiaes al son de los tiempos nuevos. Un recorríu sentimental, en definitiva, peles escueles d'Asturies.

Editorial Ámbitu 2008